DTI nanghatag P8mil negosyo kits

sa mga nabiktimang Odette sa CV

CORTES, Bohol, Jan 2 (PIA) - - Moabot na sa P3.120M ang kinatibuk-ang kantidad nga itunol sa Department of Trade and Industry (DTI) isip livelihood kits sa mga kwalipekado nga micro enterprises nga ang negosyo grabeng nadaut sa epekto sa bagyo nga si Odette.

Sa kinatibuk-ang Central Visayas, hangtud niadtong Dec. 30, miabut na sa P1.8M nga lielihood kits sa 225 ka eligible micro entrepreneurs (MEs) gikan sa Ubay, Bien Unido, San Miguel, Trinidad, Talibon, Carlos P. Garcia sa Bohol ug Sibonga ug Carcar sa Cebu; ang nahatagan sa tas P8, 000 nga bili sa livelihood kits nga gipaagi sa Landbank Cash Card.

Lain pa nga 165 ka eligible MSMEs gikan sa Dalaguete, Argao Cebu; ug La Libertad ug Guihulngan City sa Negros Oriental ang modawat sa hinabang gikan sa kagamhanan pinaagi sa DTI.

Ang mga negosyo kits alang sa mga kwalipekado nga MSMEs napailawom sa DTI' Livelihood Seeding Program - Negosyo Serbisyo sa Barangay (LSP-NSB).

Matud ni DTI Central Visayas regional director Maria Elena Arbon, niadtong ceremonial nga pagtunol sa negosyo kits ngadto sa mga benepisaryo sa Cebu sa miaging semana, ang LSP-NSB usa ka proyekto nga gipalig on sa tinabangay sa local government units (LGUs) nga dugang nagganoy sa kagamhanan paduol sa katawhan.

Ang tanan nga benepisaryo sa kits miagi una og assessment aron ilhon kon masulod ba sa programa o dili, dugang ni RD Arbon.

Gipasabut niya nga ang kits magamit lamang isip lab-as nga puhunan aron makabangon ug mapaugmad ang ilang gagmay nga mga negosyo nga apektado sa katalagman.

Kadto nga mga micro-entrepreneurs nga midawat sa negosyo kits kadtong manag-iya og sari-sari stores, eateries / carenderia ug giproseso nga pagkaon. (rahc/PIA7/Bohol)