DENR, padayon ang kampanya sa pagtangtang

sa mga election materials sa mga kahoy

TAGBILARAN CITY, April 26 (PIA)--Padayon ang Department of Environment and Natural Resources (DENR) Enforcement Division sa pagtangtang sa mga materyales sa eleksyon nga gipangbutang sa mga punuan sa kahoy.

Sa gipagawas nga direktiba ni DENR Kalihim Jim Sampulna, gimanduan niini ang tanang Regional Office nga hingosgan ang kampanya sa ahensya aron mapanalipdan sa pagkaguba ang mga punuan sa kahoy.

Ubos sa Republic Act No. 3571, hugot nga gidili ang pagputol, pagguba sa mga punuan sa kahoy ug uban pang tanom nga gitanom sa mga pampublikong lugar.

Mahimong mapahamtangan og silot ang bisan kinsa nga mapamatud-ang makalapas niini.

Aktibo usab nga nakig-alayon ang DENR sa mga miyembro sa task force sa paghatag og tambag ug teknikal nga tabang sa saktong pagtangtang sa mga campaign materials sa mga punuan sa kahoy. (ecb/PIA7-Bohol)