Kooperasyon sa agrikultura, enerhiya

hingosgan sa PH, Australia

TAGBILARAN CITY, Bohol, November 21 (PIA)--Plano sa Pilipinas nga hingosgan ang kooperasyon sa nasod sa Australia kalabot sa agrikultura ug enerhiya.

Kini ang gipahayag ni Presidente Ferdinand Marcos Jr. sa bilateral meeting kauban si Prime Minister Anthony Albanese.

Ang maong panagpulong gipahigayon sa Queen Sirikit National Convention Center, Sabado sa buntag, sa sidelines sa Asia-Pacific Economic Cooperation (APEC) Summit sa Thailand.

“We have many, many connections that we, I think, can strengthen and promote further: the areas of agriculture, the areas of renewable energy (Daghan kita, daghang mga koneksyon nga, sa akong hunahuna, mahimo nato nga mapalig-on ug mapalambo pa: ang mga lugar sa agrikultura, ang mga lugar sa renewable energy,” pahayag pa ni Pangulong Marcos.

Samtang matud pa sa Office of the Press Secretary, gipahayag ni Albanese kang Presidente Marcos nga suportado niini ang iyang posisyon nga kinahanglang sulbaron ang krisis sa klima, gikonsidera nga usa sa nag-unang hagit sa tibuok kalibotan.

Matud pa sa Australian leader nga sa panapos nga mga komento sa Plenary Session ni Marcos nga adunay usa ka komon nga butang nga ang matag usa kinahanglan nga molihok sa pagbag-o sa klima, giingong sigurado kini nga makabaton ang duha ka nasod og dakong kooperasyon.

Samtang sa laing bahin, apil sa nitambong sa panagpulong sila kanhi Presidente ug Senior Deputy Speaker Gloria Macapagal-Arroyo, House Speaker Martin Romualdez, ug Trade Secretary Alfredo Pascual.

Nakigpulong usab si Pangulong Marcos sa iyang mga counterparts gikan sa China, France, Saudi Arabia, ug New Zealand sa panahon sa iyang byahe. (ecb/PIA7-Bohol)

Si Presidente Ferdinand R. Marcos Jr. miingon nga iyang gitapos ang usa ka bilateral nga miting uban sa Presidente sa France nga si Emmanuel Macron, nga naghulagway niini nga lapad kaayo ug medyo produktibo nga nag-atubang sa lainlaing mga isyu nga naka-focus sa agrikultura, kusog, ug depensa. (PIA)