RGADC: himoong plantilla

position ang GAD Focal

TAGBILARAN CITY, Bohol Nov 3 (PIA) –Giduso karon sa Regional Gender and Development Council (RGADC) ang kamugnaan sa plantilla position sa Gender and Development (GAD) alang sa GAD coordinator o GAD Focal Person sa matag buhatan sa kagamhanan.

Kini human kombinsido ang mga sakop sa konseho sa kamahinungdanon sa GAD coordinator aron maoy tahasan sa pagpakigsabut, pagcoordinate ug pagpaseguro nga ang mga programa ug proyekto sa GAD ug pagminitor niini, mapatuman subay usab sa kinatibuk-ang pagpaasdang sa GAD sa katilingban.

Subay sa Sec. 5.2 sa Philippine Council for Women (PCW) Memo 2011-12, gimandu niini ang GAD Focal Point System (GFPS) nga maoy manguna sa pagpamainstream sa panglantaw sa gender and Development sa mga polisiya, plano ug programa sa mga ahensya ug departamento.

Ang GFPS us aka pundok sa mga natugyanan sa hisgutanans a GAD diha sa mga ahensya sa kagamhanan nga natahasan sa pagpasugod, ug pagpadali sa gender mainstreaming, isip mekanismo sa pagseguro ug pagpa-asdang, paggiya ug pagpakigsabut lakip na ang pagmonitor sa pagpatuman, pagrepaso ug pagpabag-o sa mga plano sa GAD iug mga programa niini aron ikapahaum sa kasamtangan nga sitwasyon.

Nagtuo ang RGADC nga niini nga paagi, maseguro ang pagtimbang sa kamahinungdanon sa mga sistema polisiya, estraktura, programa ug mga sumbanan sa ahensya aron mapahaum kini sa panginahanglan usan sa mga gisilbihang publiko ilabi na sa pagpatuman niini.

Ang tanan nga mga sakop sa GFPS anaa sa us aka posisyon nga nagtangan usab og mas daghang responsibilidad, hinungdan nga maglisud sila sa paghimo sa ilang mga gimbuhaton sa pagpatuman sa GAD program.

Niini, gikinahanglan sa mga sakop sa GFPS ang tabang ug pag-abag sa pagcoordinateug pagmonitor sa pagpatuman sa GAD programs aron mapatinuod ang mapasentro nga GAD sa mga polisyoa, plano ug programa sa ahensya, gawas pa nga ang sakop sa GFPS dili fulltime ug dili permanente nga trabahante nga ilang katutokan gayud ang pagpahigayon sa mga bansay ug kalihukan kabahin sa GAD nga giilang mahinungdanon sa pagpahiluna sa GAD haum sa mga panglantaw usab sa mga ahensya.

Nunot niini, giduso ang ideya sa plantilya nga posisyon aron ila na nga magimo ang pagpadali sa pagpatuman sa gender mainstreaming sa ahensya pinaagi sa GAD Planning ug Budgeting process, pag-alayon sa pagpanday sa mga GAD Plans sa ahensya, apil na ang Programs ug Budget subay sa panginahanglan nga giatubang sa publiko nga gialagaran, human usab kini mapalutaw sa gender audit, gender analysis, ug sa ubang datus nga nagpakita niini.

Ang GAD Focal usab makaabag sa ahensya sa paggahum sa mga trabahante kabahin sa mga konsepto sa GAD samtang ikasumpay usab sa ubang ahensya ang mga kasayuran ilabi na sa pagpalusot sa napahiusang budget sa GAD ug s amga programa ug proyekto niini.

Ang GAD Focal usab maoy manguna sa kalihukan sa adbokasya ug pagugmad sa mga IEC materials aron mas masabtan ug makakuhag suporta sa mga opisyales, trabahante ug sa publiko nga makatabang sa pagpaduso sa agenda sa GAD, lakip na ang pagmonitor sa pagpatuman sa GAD-related programs, activities ug projects sa ilang mismong mga buhatan, pagtul-id sa mga programa ug panglataw nga nahisupak sa katuyuan sa GAD, ug paghimo sa mga consolidated reports sa pagpatuman sa GAD Programs ug Projects ug kalihukan sa GFPS.

Gawas pa, ang GAD Focal mao nay tahasan sa paghiusa sa agency GAD Accomplishment ug paghatag og regular nga rekomendasyon, updates ngadto sa hepe sa ahensya o sa GFPS execom sa mga kalihukan base sa feedbacks ug mga taho sa mga ahensya ug departamento niini.

Sa kadaghanon sa gimbuhaton ug sa kamahinungdanon niini, nanghinaut ang RGADC nga suportahan usab ang lakang sa mga konseho ug ahensya aron makabaton og kusog nga rekomendasyon ug ikapatuman na ang sugyot. (PIABohol)

ARISGADA. Nunot sa suporta sa Bohol PHRMDO sa GAD, gikan sa MOA gilagdaan aron ipaduso ang GAD Agenda sa mag programa, Proyekto ug mga palisiya niini, magtukod usab ang Kapitolyo ug usa ka s akanter pagpangandam sa paglingkod usab sa GAD Focal. (PIABohol file photos)