PBBM, i-certify nga dinalian ang mga

pagbag-o sa balaod sa taripa sa bugas

MANILA (PIA)--Si Presidente Ferdinand R. Marcos Jr. miingon niadtong Lunes, Mayo 6, nga iyang i-certify nga dinalian ang gisugyot nga mga pagbag-o sa Republic Act No. 11203 o ang rice tariffication law (RTL) sa pagpaubos sa presyo sa bugas sa nasud.

Ang Presidente namahayag niini atol sa usa ka media interview human sa iyang pagtambong sa 2024 GOCCs’ Day sa Philippine International Convention Center sa syudad sa Pasay.

“Yes, I think it justifies the urgent certification,” (Oo, sa akong hunahuna kini nagpakamatarong ang dinalian nga sertipikasyon),” ang Presidente miingon sa dihang gipangutana kung gisuportahan ba niya ang sugyot.

“Ang problema kasi kaya tumataas ang presyo ng bigas dahil ang mga trader ay nagko-compete. Pataasan sila ng presyuhan sa pagbili ng [bigas] at wala tayong control doon),” pagtumbok sa Pangulo.

Matud pa sa Presidente, mahimong maimpluwensyahan o makontrol sa gobyerno ang presyo sa bugas kung adunay mga pagbag-o sa balaod sa taripa sa bugas, partikular sa pagpalit og humay ug pagbaligya sa bugas sa publiko.

Giduso ni House Speaker Martin Romualdez ang pagbag-o sa RTL aron tugotan ang National Food Authority (NFA) nga makabaligya og bugas sa mga merkado.

Siya niingon nga ang presyo sa bugas mahimong mous-os og P10 ngadto sa P15 o dul-an sa P30 matag kilo kon amyendahan ang RTL, kay prayoridad sa Presidente ang pag-stabilize sa presyo sa bugas.

Gilantaw sa pagpaubos sa presyo sa bugas, ang RTL nagtugot sa walay kutob nga pagsulod sa imported nga bugas sa nasud. Apan gidid-an niini ang NFA sa pagpalit ug pagbaligya sa bugas ug gilimitahan ang mandato sa ahensya sa pagdumala sa buffer rice stocks. (ECB/PIA7-Bohol)

Si Presidente Ferdinand R. Marcos Jr. miingon nga iyang i-certify nga dinalian ang gisugyot nga mga pagbag-o sa Republic Act No. 11203 o ang rice tariffication law (RTL) aron mapaubos ang presyo sa bugas sa nasud. (PCO/PIA)